Barcelona shkëlqeu sërish të dielën duke marrë një fitore me rezultat 4-1 ndaj Gironës dhe duke vazhduar vetëm me fitore në kampionat.

Sidoqoftë, një problem shqetësues për blaugranasit është se Dani Olmo u largua nga fusha në pjesën e dytë me një lëndim muskulor që do ta mbajë atë jashtë fushave për disa javë.

Flick kështu do të mbetet pa shërbimet e reprezentuesit spanjoll për ndeshjen ndaj Monacos si dhe ndaj Villarrealit gjatë vikend.

Torres do të jetë i suspenduar për ndeshjen ndaj ‘Nëndetëses së Verdhë’, por është njëri prej dy kandidatëve kryesor për ta zëvendësuar Olmon në garat evropian raporton Sport.

Një opsion tjetër është që do ta mbante Raphinhan në krahun e majtë të sulmit është Pablo Torre i cili shkëlqeu në parasezon dhe pati disa minuta ndaj Real Valladolidit.

Pedri shënoi gol nga pozita e numrit dhjetë kur Olmo u largua nga loja dhe Flick mund ta përdorë atë sërish në atë pozicion dhe ta vendos Eric Garcian në mesfushë së bashku me Marc Casadon.

Opsioni i fundit i përmendur është Ansu Fati i cili me gjasë do të jetë i gatshëm për ndeshjen e së enjtes, ani pse do të ishte një rrezik që të aktivizohej nga minuta e parë.

Në anën tjetër, Pau Victor po ashtu u paraqit në ndeshjen ndaj Gironës dhe 21-vjeçari ka mbështetjen dhe dashurinë e Flickut që e ka përdorur në disa ndeshje.

Ai mund të operojë në të majtë të Lewandowskit me Raphinhan në një pozicion më të avancuar ose pas sulmuesit polak.

Varësisht nga ndryshimet e Flick në ndeshjet paraprake, me shumë mundësi Torres do të marrë sërish fanellën e titullarit./Telegrafi/